hi guys,
äs isch scho meh als d helfti vo miinrä ziit hiä idr usa verbi... ich gniesses sehr da und die dri familie woni bis ez gha ha sind ganz liäbä.
am erstä wuchänänd wo sich alli ifyes vodä usa in bloomington troffä hend hani zimlich niid verstandä was diä greded hend. de hani scho dänkd ou nei miis englisch isch z wenig giod fir da, aber sobaldi bidr familiä gsi bi heds ganz giod klapped.
bidr erstä familiä in springhill simmr vil midm boot ufä see gangä, de simr i worlds of fun und oceans of fun, de hani oi nu sälber ä amerika flaggä gnäid will miär ebädiä chli langwilig gsi isch.
diä zweit familiä isch in stafford gsi. das sind sehr aktivi dri wuchä gsi volls programm, isch super gsi. wärt derä ziit isch grad nu stafford county fair gsi. dert hani ä zopf bached und openclass food gwunnä. und z bestä da dra isch das bis ez immer die glich elter froi gwunnä hed :-)
ez bini bidr drittä familiä in osage city. die hend 4 chind zimlich action.
am erstä tag simr go liogä wiä si diend rossbschlah, bimnä kolleg vo inä, de hani sälber oi chli chenä ebis machä am ross und amnä hufisä...
idr chilä hani schwyzeregäli gspild und alli hend mega fräid gha.
zwischädurä hani oi chli heiweh aber das isch giod so de chumi oi gärä widr hei.
so de winschi iich allnä ä gioti ziit.
liäbs griässli jasmin